Shaayad Main Zindagi Ki Sahar Leke Aa Gayaa

---

Shaayad Main Zindagi Ki Sahar Leke Aa Gayaa,
Qaatil Ko Aaj Apane Hi Ghar Leke Aa Gayaa,

Taa-Umr Dhundhataa Rahaa Manzil Main Ishq Ki,
Anjaam Ye Ki Gard-E-Safar Leke Aa Gayaa,

Nashtar Hai Mere Haath Mein, Kaandhon Pe Maiqadaa,
Lo Main Ilaaj-E-Dard-E-Jigar Leke Aa Gayaa,

‘Faakir’ Sanamakade Mein Na Aataa Main Lautakar,
Ik Zakhm Bhar Gayaa Thaa Idhar Leke Aa Gayaa.