Shaam-E-Firaaq Ab Na Puch Aayi

---

Shaam-e-firaaq ab na puch aayi aur aa ke ttal gayi,
Dil tha ke phir behhal geya jaan thi ke phir sambhal gayi,

Bazm-e-khayal main tere husn ki shamma jall gayi,
Dard ka chaand bujh geya hijr ki raaat dhhal gayi,

Jab tujhe yaad kar liya subh mehak mehak uthi,
Jab tera gham jagaa liya raat machal machal gayi,

Dil se to har maamla kar ke chale they saaf hum,
Kehne main un ke saamne baat badal badal gayi,

Akhir-e-shab ke hum safar ‘faiz’ na jaane kya huye,
Reh gayi kis jagah sabaa subh kidar nikal gayi.