Woh Ek Rishta Benaam Bhi Nahin Lekin

Woh Ek rishta benaam bhi nahin lekin,
Main ab bhi us ke isharon pe sar jhukaon gi.

0

Koi Aahat Na Koi Chaap Na Koi Awaaz

Koi aahat na koi chaap na koi awaaz,
Dil ki galiyan meri sunsaan hain aye koi..

0

Badal Dena Hai Rasta Ya Kahin Par

Badal dena hai rasta ya kahin par beth jana hai,
Ke thaktaa ja raha hai humsafar ahistaa ahistaa..

0

Rasta Hi Naya Hai, Na Main Anjaan

Rasta hi neya hai, na main anjaan bohat hoon,
Phir kuye’malaamat mein hoon, nadaan bohat hoon,

Ik umar jisey khawab ki manind hi dekha,
Chooney ko mila hai to pareshaan bohat hoon,

Mujh mein kabhi aahat ki tarah se koi aye,
Ik band gali ki tarah sunsaan bohat hoon,

Uljhen ke keyi baar abhi lafz se mafhoom,
Saada hai bohat woh, na main asaan bohat hoon..

0

Bohat Se Log The Mehmaan

Bohat se log the mehmaan mere ghar lekin,
Wo janta tha ke hai ehtamam kis ke liye..

0

Kaun Chahega Tumhe Meri Tarah

Kaun chahega tumhe meri tarah,
Ab kisi se na mohabbat karna.

0

Tere Pehlu, Tere Dil Ki Tarah Abaad Rahe

Tera pehlu, tere dil ki tarah abaad rahe,
Tujh pe guzrey na qayamat shab-e-tanhai ki..

0

Rail Ki Seeti Mein Kaise Hijr

Rail ki seetti mein kaise hijr ki tamheed thi,
Us ko rukhsat karke ghar lotte to andaaza hua..

0

Tamaam Raat Mere Ghar Ka Ek

Tamaam raat mere ghar ka ek dar khulaa raha,
Mein raah dekhti rahi woh raasta badal geya..

0

Sundar, Komal Sapnon Ki Baraat Guzar

Sundar, komal sapnon ki baraat guzar gayi jaana,
Dhoop ankhon tak aa pohanchi hai, raat guzar gayi jana,

Bhanwar samay tak jis ne humain baaham uljhaaye rakha,
Woh albeli resham aesi baat guzar gayi jaana,

Sadaa ki dekhi raat humain is baar mili to chupkay se,
Khaali hath pe rakh ke kya soghaat guzar gayi jaana,

Kis kompal ki aas mein ab tak wese hi sarsabz ho tum,
Ab to dhoop ka mausam hai, barsaat guzar gayi jaana..

0

Woh To Khushbu Hai Hawaaon Mein

Woh to khushbu hai hawaaon mein bikhar jayega,
Masla phool ka hai, phool kidar jaayega..

0

Mere Lafzon Se Nikal Jaye Asaar

Mere lafzon se nikal jaye assar,
Koi khawhish jo tere baad karoon.

0

Iss Baar Jo Eendhan Ke Liye

Iss baar jo eendhan* ke liye katt ke gira hai,
Chirriyon ko barra pyaar tha uss boorrhe shajar se.

0

Main Sach Kahungi Magar Phir Bhi

Main sach kahungi magar phir bhi haar jaun gi,
Woh jhoot bole ga aur la’jawab kar de ga..

0

Bhoola Nahin Dil Hijar Ke Lamhaat

Bhoola nahin dil hijar ke lamhaat karre woh,
Raatain to barri theen hi din bhi barre woh.

Bhoola Nahin Dil Hijar

0

Jahan Sawaal Ke Badle Sawaal Hota Hai

Jahan sawaal ke badle sawaal hota hai,
Wahaan mohabton ka zawaal hota hai,

Kissi ko apnaa banana hunnar hi sahi,
Kisi ke ban ke rehna kamaal hota hai.

0

Yeh Ghurbaten Meri Aankhon Main

Yeh ghurbaten meri aankhon main kesi utri hain,
Ke khawb bhi mere rukhsat hain, ratjagaa bhi geya.

0

Kya Lage Raat Ke Phir Dil Mein Samaya Koi

Kya lage raat ke phir dil mein samaya koi,
Raat bhar phirta hai is sheher mein saya koi,

Fikr yeh thi ke shab e hijar kattey gi kyun kar,
Lutff yeh hai ke humain yaad na aaya koi,

Shauk yeh tha ke mohabbat mein chalein ge chup chap,
Ranj yeh hai ke tamasha na dikhaya koi,

Sheher mein humdum dereena bohat they nasir,
Waqt parney per mere kaam na aya koi.

0

Udaasion Ka Samaa Mehfilon Mein

Udaasion Ka Samaa Mehfilon Mein Chhor Gayi,
Bahaar Ik Khaash Si Dilon Mein Chhor Gayi,

Bichar Ke Tujh Se Hazaaron Taraf Gaya Khayaal,
Teri Nazar Mujhe Kin Manzilon Mein Chhor Gayi,

Kahan Se Laa’ye Ab Os Nigaah Ko Nasir ?
Jo Na-Tamaam Umangain Dilon Mein Chhor Gayi.

0

Tere Milne Ko Be-Kal Hogaye Hain

Tere Milne Ko Be-Kal Hogaye Hain,
Magar Ye Loog Paagal Hogaye Hain,

Bahaarain Le Ke Aaye Thay Jahaan Tum,
Wo Ghar Sunsaan Jangal Ho Gaye Hain,

Yahaan Tak Barh Gaye Aalaam-e-Hasti,
Ke Dil Ke Honslay Shal Ho Gaye Hain,

Unhain Sadyon Na Bhoolay Ga Zamaana,
Yahaan Jo Haadsay Kal Ho Gaye Hain,

Jinhain Hum Dekh Kar Jeetay Thay Nasir,
Wo Loog Aankhon Se Ojhal Ho Gaye Hain.

0