Glance through our Shayari Section and find the perfect Shayari to share on your social media account or to dedicate it to your near and dear ones. We have a wide range of heart touching Shayaris that are true to one’s feelings or emotions.
In Aankhon Ki Masti Ke Mastaane Hazaaron Hain,
In Aankhon Se Vaabastaa Afasaane Hazaaron Hain,
Ik Tum Hi Nahin Tanhaa Ulafat Mein Meri Rusavaa,
Is Shahar Mein Tum Jaise Divaane Hazaaron Hain,
Ik Sirf Ham Hi May Ko Aankhon Se Pilaate Hain,
Kahane Ko To Duniyaa Mein Maikhaane Hazaaron Hain,
Is Shamm-E-Farozaan Ko Aandhi Se Daraate Ho,
Is Shamm-E-Farozaan Ke Paravaane Hazaaron Hain.
Processed with VSCO with e5 preset
0Justaju Jis Ki Thi Us Ko To Na Paayaa Ham Ne,
Is Bahaane Se Magar Dekh Li Duniyaa Ham Ne,
Tujh Ko Rusavaa Na Kiyaa Khud Bhi Pashemaan Na Huye,
Ishq Ki Rasm Ko Is Tarah Nibhaayaa Ham Ne,
Kab Mili Thi Kahaan Bichhadi Thi Hamein Yaad Nahin,
Zindagi Tujh Ko To Bas Khvaab Mein Dekhaa Ham Ne,
Ai ‘Ada’ Aur Sunaaye Bhi To Kyaa Haal Apanaa,
Umr Kaa Lambaa Safar Tay Kiyaa Tanhaa Ham Ne.
0Khun Mein Lat-Pat Ho Gaye Saaye Bhi Ashjaar Ke,
Kitane Gehare Vaar The Khushbu Ki Talvaar Ke,
Ik Lambi Chup Ke Sivaa Basti Mein Kyaa Rah Gayaa,
Kab Se Ham Par Band Hain Daravaaze Izhaar Ke,
Aao Uttho Kuchh Karen Saharaa Ki Jaanib Chalen,
Baithe Baithe Thak Gaye Saaye Mein Dildaar Ke,
Raaste Sune Ho Gaye Divaane Ghar Ko Gaye,
Zaalim Lambi Raat Ki Taariki Se Haar Ke,
Bilkul Banjar Ho Gai Dharati Dil Ke Dasht Ki,
Rukhsat Kab Ke Ho Gaye Mausam Saare Pyaar Ke,
0Kis Kis Tarah Se Mujhko Na Rusvaa Kiyaa Gayaa,
Gairon Kaa Naam Mere Lahu Se Likhaa Gayaa,
Nikalaa Thaa Main Sadaa-E-Jaras Ki Talaash Mein,
Bhule Se Is Sukut Ke Seharaa Mein Aa Gayaa,
Kyon Aaj Us Kaa Zikr Mujhe Khush Na Kar Sakaa,
Kyon Aaj Us Kaa Naam Meraa Dil Dukhaa Gayaa,
Is Haadase Ko Sun Ke Karegaa Yaqin Koi,
Suraj Ko Ek Jhonkaa Havaa Kaa Bujhaa Gayaa.
0Kiyaa Iraadaa Baarahaa Tujhe Bhulaane Kaa,
Milaa Na Uzr Hi Koi Magar Thikaane Kaa,
Ye Kaisi Ajanabi Dastak Thi Kaisi Aahat Thi,
Tere Sivaa Thaa Kise Haq Mujhe Jagaane Kaa,
Ye Aankh Hai Ki Nahin Dekhaa Kuchh Sivaa Tere,
Ye Dil Ajab Hai Ki Gam Hai Ise Zamaane Kaa,
Vo Dekh Lo Vo Samandar Khushk Hone Lagaa,
Jise Thaa Daavaa Meri Pyaas Ko Bujhaane Kaa,
Zamin Pe Kis Liye Zanjir Ho Gaye Saaye,
Mujhe Pataa Hai Magar Main Nahin Bataane Kaa.
0Sine Mein Jalan Aankhon Mein Tufaan Saa Kyun Hai,
Is Shahar Mein Har Shakhs Pareshaan Saa Kyun Hai,
Dil Hai To Dhadakane Kaa Bahaanaa Koi Dhundhe,
Patthar Ki Tarah Behis-O-Bejaan Saa Kyun Hai,
Tanhaai Ki Ye Kaun Si Manzil Hai Rafiqo,
Taa-Hadd-E-Nazar Ek Bayaabaan Saa Kyun Hai,
Ham Ne To Koi Baat Nikaali Nahin Gam Ki,
Vo Zud-E-Pashemaan Pashemaan Saa Kyun Hai,
Kyaa Koi Nai Baat Nazar Aati Hai Ham Mein,
Aainaa Hamein Dekh Ke Hairaan Saa Kyun Hai.
0Ye Kyaa Jagah Hai Dosto Ye Kaun Saa Dayaar Hai,
Hadd-E-Nigaah Tak Jahaan Gubaar Hi Gubaar Hai,
Ye Kis Mukaam Par Hayaat Mujh Ko Leke Aa Gai,
Na Bas Khushi Pe Hai Jahaan Na Gam Pe Ikhtiyaar Hai,
Tamaam Umr Kaa Hisaab Maangati Hai Zindagi,
Ye Meraa Dil Kahe To Kyaa Ye Khud Se Sharmsaar Hai,
Bulaa Rahaa Kyaa Koi Chilamanon Ke Us Taraf,
Mere Liye Bhi Kyaa Koi Udaas Beqaraar Hai,
Na Jis Ki Shakl Hai Koi Na Jis Kaa Naam Hai Koi,
Ik Aisi Shai Kaa Kyon Hamein Azal Se Intazaar Hai.
0Zindagi Jab Bhi Teri Bazm Mein Laati Hai Hamein,
Ye Zamin Chaand Se Behatar Nazar Aati Hai Hamein,
Surkh Phulon Se Mahak Uthati Hain Dil Ki Raahen,
Din Dhale Yun Teri Aavaaz Bulaati Hai Hamein,
Yaad Teri Kabhi Dastak Kabhi Saragoshi Se,
Raat Ke Pichhale Pahar Roz Jagaati Hai Hamein,
Har Mulaaqaat Kaa Anjaam Judaai Kyun Hai,
Ab To Har Vaqt Yahi Baat Sataati Hai Hamein.
0Had-E-Nigaah Tak Ye Zamin Hai Siyaah Phir,
Nikali Hai Juganuon Ki Bhatakati Sipaah Phir,
Honthon Pe Aa Rahaa Hai Koi Naam Baar Baar,
Sannaaton Ki Tilism Ko Todegi Aah Phir,
Pichhale Safar Ki Gard Ko Daamain Se Jhaad Do,
Aavaaz De Rahi Hai Koi Suni Raah Phir,
Berang Aasmaan Ko Dekhegi Kab Talak,
Mainzar Nayaa Talaash Karegi Nigaah Phir,
Dhili Hui Giraft Junun Ki Ke Jal Uthaa,
Taaq-E-Havas Mein Koi Charaag-E-Gunaah Phir.
0Jab kabhi gardish-e-taqdeer ne ghera hai hamein,
Geesu-e-yaar ki uljhan ko buhat yaad kiya.
-1Aaj phir bujh gye jal jal ke umeedon ke chiraagh,
Aaj phir taaron bhari raat ne dam toor diya.
0Mohabbat aazmani ho to bas itna hi kafi hai ‘Sagar’
Zara sa rooth kar dekho, manane kon aata hai..
0Utha kar choom li hain chand murjhayi huyi kaliyan,
Na tum aye tou yoon jashn-e-baharan karliya maine.
0Phool chahe the magar hath me aye pathar,
Humne aghosh-e-mohabbat me sulaye pathar.
0log lete hain yon hi shamma or parwane ka naam,
Kuch nahi hai is jahan me ghum kay afsaney ka naam..
0Mujhe tumhari nigaahon pe aitmaad nahin,
mere qareeb na aao bada andhera hai.
0Girte hain Samandar mein bare Shoq se Darya,
Lekin kisi Darya mein Samandar nahi Girta.
OLYMPUS DIGITAL CAMERA
0Thi Zindagi ki yeh bhi Zaroorat Magar Qateel,
Majbooryon ne Pyar ki Muhlat na di Hamein.
0Mujhse tu poochhane aayaa hai wafa ke maani,
Ye tera saada-dili maar na daale mujh ko.
0
