Nazar Ka Husan Bhi Husan-E-Butaan Se
Nazar Ka Husan Bhi Husan-e-Butaan Se Kam To Na Tha,
Mera Yaqeen Bhi Tumhaare Gumaan Se Kam To Na Tha,
Mizaaj-e-Azmat-e-Adam Ki Baat Hai, Warna,
Zameen ka Zulm Tere Asmaan Se Kam To Na Tha,
Guzar Raha Tha Jahaan Se Main Sang Dil Ban Kar,
Woh Mor Sheesha Garon Ki Dukaan Se Kam To Na Tha,
Na Jaane Kiyoon Teri Aankhen Khamosh Thien, Warna,
Dil-e-Ghareeb Ka Naghmaa Faghaan Se Kam To Na Tha,
Rah-e-Januu Kay Nasheb-o-Faraaz Mein “Mohsin”,
Khird Ka Phool Bhi Sang-e-Giraan Se Kam To Na Tha.
