Muddat Mein Woh Phir Taza
Muddat mein woh phir taza mulaqaat ka aalam,
khamosh adaaon mein woh jazbaat ka aalam.
Allah re woh shiddat-e jazbaat ka aalam,
kuchh keh ke woh bhooli hui har baat ka aalam.
Aariz se dhalakte hue shabnam ke woh qatre,
aankhon se jhalakta hua barsaat ka aalam.
Woh nazaron hi nazaron mein sawaalaat ki duniya,
woh ankhon hi ankhon mein jawaabaat ka aalam. !!
