Kisi Ranjish Ko Hawaa Do Ki Main

---

kisi ranjish ko hawaa do ki main ziNdaa huN abhi,
mujh ko ehsaas dilaa do ki main ziNdaa huN abhi,

mere rukane se merii saaNse bhi ruk jaayengi,
faasale aur baDaa do ki main ziNdaa huN abhi,

zahar pine kii to aadat thii zamaanevalo,
ab koi aur davaa do ki main ziNdaa huN abhi,

chalati raaho.n me yuN hii aaNkh lagi hai ‘Faakir’,
bhiD logon kii haTa do ki main ziNda huN abhi.